На сите понекогаш ни е здодевно, што не е нешто особено лошо. Меѓутоа, многу деца сè уште ја учат вештината на управување со здодевноста.
Децата обично имаат распоред и планови, па кога ќе се најдат во време кое не е добро организирано, може да имаат проблеми со снаоѓањето и планирањето на своите активности. Трикот е да им се помогне сами да креираат свои идеи наместо да им ги сугерираме. Ова се неколку идеи кои можеме да ги испробаме кога нашите деца се жалат дека им е досадно.
1. Направете листа на активности
Треба да разговараме со нашите деца за тоа што сакаат да прават, за нивните интереси и страсти. Родителите можат да креираат или илустрираат листа на активности со своите деца кои може да вклучуваат боење, играње со плишани играчки, читање и составување сложувалка.
Списокот треба да се постави на место кое е лесно достапно и видливо.
2. Подгответе се што е потребно
Важно е да се подготват играчки и материјали за да можат децата да ги прават работите од списокот. Играчките и активностите не мора да бидат скапи за да бидат забавни.
Родителите можат да им кажат на децата кога ќе се прават активностите од списокот и колку долго ќе трае секоја од нив. Ова ќе ги увери дека нема да бидат сами „засекогаш“, пишува The Conversation.
3. Зборувајте за награди и охрабрете ги
На почетокот, можеме да понудиме и награди, како што се заеднички активности со родителите или дополнително време пред екран. Исто така, можеме да ги охрабриме и со пофалби и поддршка за да им помогнеме во извршувањето на задачите на списокот.
Клучот е да ги пофалите пред да изгубат интерес.
4. Поминете време со вашите деца
Иако е важно децата сами да научат како да се справуваат со здодевноста, тие исто така треба да се чувствуваат ценети и да знаат дека нивните родители сакаат да поминуваат време со нив. Затоа е важно да им посветите време на вашите деца.
Управувањето со здодевноста кај децата може да биде предизвик, но родителите можат да помогнат со креирање план за активности, обезбедување поддршка и поминување време заедно. Важно е децата да се чувствуваат важни и сакани, што дополнително ја зајакнува нивната мотивација и самодоверба.
