Медицинската сестра Ники Јуркуц открива изненадувачка храна која што претставува опасност од задушување за малите деца. Таа на нејзината едукативна веб-страница Tiny Hearts Education, ги повика родителите да бидат внимателни ако на своите деца им даваат путер од јаткасти плодови, како што е путерот од кикирики.
„Путерот од јаткасти плодови може да ги запуши дишните патишта. Густ е и леплив, што го отежнува користењето на каква било прва помош за да се отстрани“, вели таа.
Јуркуц тврди дека превенцијата е клучна и споделува неколку начини за подготовка на путер од јаткасти плодови на безбеден начин.
„За почеток, одберете што покремаст путер и разредете го со мајчино млеко, формула или вода. Можете да го измешате со друга храна во форма на пире“, советува таа.
Таа истакнува дека на лебот може да се намачка тенок слој путер од јаткасти плодови, но и дека не постои возраст кога опасностите од гушење престанува да биде ризик.
„Дури и возрасните знаат да се задушат со храна, но ризикот се намалува кога детето има зрела и развиена техника на џвакање и голтање. Ова е генерално околу третата или четивртата година, но секое дете е индивидуално“, напоменува таа.
