Група американски научници го следела однесувањето на бебињата во игра со музички ритми и дошла до заклучок дека токму музиката може да им помогне на бебињата да прозборат. Еве и како…
За време на истражувањето споредиле група со 20 бебиња на 9 месечна возраст кои учеле да репродуцираат музички ритми удирајќи со рацете во тапан, со други 20 врсници кои истовремено играле со други играчки како автомобили и коцки.
Научниците утврдиле дека активноста на делови на мозокот задолжени за препознавање на вокални и музички тонови – аудитивниот кортекс и префронталниот кортекс кај децата од музичката група била поголема во споредба со децата кои играле со други играчки. И двете мозочни регии се важни за концентрација и одржување внимание.
„Ова е прво истражување спроведено на многу мали деца кое упатува на тоа дека изложеноста на музички ритми во раната возраст може да ја подобри способноста за препознавање на јазичниот ритам“, објаснува водачот на истражувањето, д-р Кристина Зао.
Таа вели дека стимулацијата со музика во раниот период од животот има долгорочно подобар ефект на когнитивните способности кај децата.
