Честопати, здравјето на коските го земаме здраво за готово. Тие не се гледаат, не мислиме на нив. Дури тогаш кога ќе дојде до скршенива стануваме свесни дека треба да мислиме и на нив.
Најголемиот дел од развојот на коските се завршува до 20 година, а подоцна тоа забавува. Со тек на времето коските слабеат. Во тој период на развој важно е децата да јакнат коските, а ние родителите да се погрижиме за тоа, така што ќе вклучиме три основни работи – калциум, витамин Д и вежбање.
На децата им треба храна богата со калциум
Калциумот е минерал за кој се знае дека е основа на здравите коски. Најмногу го има во млечните производи, некои јаткасти плодови и семиња, грав, зелен лиснат зеленчук. Ако не сте сигурни како да го вклучите калциумот до исхраната на детето, можете да се посоветувате со педијатар.
Витаминот Д е важен
Витаминот Д му помага на телото да го апсорбира калциумот. Со оглед дека децата не јадат многу храна што е богата со овој витамин, суплементацијата е добра опција. Овој витамин го подобрува и имунитетот на детето.
Поттикнете го детето да вежба
Мускулите се јакнат тогаш кога ги користиме. Истото важи и за коските! Сите активности, како пешачење, трчање, скокање, качување се особено важни за јакнење на коските. Мускулте и гравитацијата создаваат притисок на коските, а тоа ги прави посилни и поиздржливи. Потрудете се детето да има барем еден час дневно некаква активност.
Овие три горенаведени работи се од неверојатна важност за децата, особено во периодот на забрзан раст во пубертетот и неколку години претходно.
