За време на бременоста, многу жени доживуваат ненадејна, а понекогаш и многу необична желба за одредена храна. Иако киселите краставички и сладоледот се веќе клише, постојат примери на желби што одат подалеку од вообичаеното. Некои бремени жени развиваат вкус за најчудни комбинации, додека други копнеат по работи што технички воопшто не се храна, и прашање е колку се јадливи. Неверојатно, но истражувањата потврдуваат дека е вистина.
- Мраз, сапун или земја – не е шега
Еден од најбизарните појави е таканаречената пика, состојба во која бремената жена копнее по нпрехранбени работи – како што се мраз, креда, земја, па дури и сапун. Иако овие „намирници“ немаат хранлива вредност, експертите веруваат дека овие желби може да укажуваат на нутритивни недостатоци, особено недостаток на железо.
- Збунувачки комбинации – јагоди со кечап, чоколадо со краставици
Некои бремени жени сакаат да јадат храна во најнеобични комбинации. Јагоди со кечап, сладолед наросен со чипс, па дури и тост со паста од сардини и џем – сето ова станува сосема логично за време на бременоста. Иако звучи одбивно, за жените во тој момент тоа може да биде вистинско гастрономско задоволство.
- Сурово тесто, скроб или гума за џвакање без крај
Исто така, постојат приказни за бремени жени кои копнеат по сурово тесто, пченкарен скроб или џвакаат иста мастика со часови. Иако не се нужно штетни, овие желби можат да бидат знак дека на телото му недостасува нешто, па затоа секогаш е добра идеја да се консултирате со лекар.
- Храна од детството – враќање кон носталгијата
Некои бремени жени развиваат ненадејна желба за одредена храна од детството – како домашна супа, старомодни слатки, па дури и храна што не ја јаделе долго време. Оваа емоционална врска со храната може да има смирувачки ефект и да помогне во справувањето со хормоналните промени.
Трудничките желби знаат да бидат чудни
Желбите за време на бременоста често се непредвидливи, забавни, но понекогаш и збунувачки. Иако повеќето од нив не се опасни, важно е да се следи кога невообичаените потреби стануваат знак за можни нутритивни недостатоци. Ако бремената жена посакува нешто навистина необично – како сапун или земја – тоа секогаш е сигнал да се консултира со лекар. Во секој случај, ова е периодот кога телото зборува, а честопати и изненадува – и бремената жена и оние околу неа.
