Бремените жени би требало да се вакцинираат против КОВИД-19, објави вчеравечер американскиот Центар за контрола и превенција на болести (CDC), повикувајќи се на нова анализа која покажува дека вакцините не го зголемуваат ризикот од спонтан абортус.
Центарот објави дека не пронашол никакви опасности за трудниците во ова, но и во претходните истражувања. Бремените жени можат да примат било која од трите вакцини кои добија вонредно одобрување – Фајзер, Модерна или Џонсон и Џонсон.
Оваа установа претходно не препорачуваше вакцинирање за трудниците, но им сугерираше да за тоа се советуваат со своите здравствени институции.
Саша Елингтон, раководител на тимот за репродуктивно здравје во Центарот, вели дека се вакцинираат мал број на бремени жени – само 23 проценти од нив примиле најмалку една доза вакцина.
“Сакам тоа да го зголемиме“, вели Елингтон, додаваќи дека Центарот работи на план со кој гинеколозите ќе можат да нудат вакцина.
“Сакаме жените да бидат заштитени. Не пронајдовме ниту една опасност, а придобивките од вакцините навистина се поголеми од било какви потенцијални или непознати ризици“.
Центарот објави дека бременоста го зголемува ризикот од тешка форма на КОВИД-19, а инфекцијата ги зголемува шансите за предвремено породување.
