♦♦♦♦♦♦♦
Нови четириесет пациенти со коронавирус во Јужна Кореја, за кои се сметаше дека се оздравени од оваа болест, повторно се позитивни на тестот за коронавирус. Веста доаѓа откако во поненеделникот беше објавено дека 51 излекувано лице се повторно позитивни на Ковид-19 во Даегу, најпогодениот град со коронавирус.
Здравствените власти се обидоа да ја намалат нервозата кај луѓето дека повторно може да бидат инфицирани, што би предизвикало паника кај народите за кои се верува дека се приближуваат до она што се нарекува колективен имунитет.
Jeонг Еун-кјонг, директор на Центрот за контрола и превенција на болестите во Кореја (KCDC), изјави на брифинг дека вирусот можеби е „реактивиран“.
Епидемиолозите во Сеул итно се обидуваат да го објаснат овој бизарен тренд, кој за прв пат беше забележан кај 51 пациент од Даегу во понеделникот.
Ким Ву-Ју, професор по заразни болести на „Korea University Guro Hospital“, изјави: „Бројот само ќе се зголемува, 91 е само почеток“.
Раните индикации укажуваат на тоа дека вирусот може да „заспие“ на невидливи нивоа во човечките клетки и, најверојатно, не е заразен.
Лажните резултати од тестот, исто така, може да бидат виновни, бидејќи една петтина од сите брисеви враќаат неточни резултати.
Пол Хантер, професор по заразни болести на Универзитетот во Источна Англија, пред неколку дена за MailOnline изјави: „Се согласувам дека не се работи за реинфекции, но не мислам дека се реактивирања. Лично, мислам дека најверојатното објаснување е дека примероците биле лажно негативни“.
Професорот Хантер потенцира дека конвенционалните тестови за коронавирус може да дадат погрешен резултат кај 20 до 30 проценти од случаите. Тој верува дека тестовите што ги направиле пациентите во Јужна Кореја пред да бидат отпушени од карантин погрешно покажале дека оздравеле, а тие всушност биле се уште заразени.
Јужнокорејскиот град Даегу денеска објави нула нови случаи за прв пат од крајот на февруари.
(Извор: Дејли мејл)
