ОМИКРОН СЕ ШИРИ ЗАБРЗАНО: Сите оние кои го потценуваат сметајќи го за „благ“, се изложуваат на ризик од исцрпувачка болест која може да трае со месеци или години

SARS-CoV-2 нè изненади на многу различни начини во последните две години и сè уште не сме во позиција да го предвидиме еволутивниот пат на овој вирус, вели Дејвид Хо, професор по микробиологија и имунологија на Универзитетот Колумбија

Повеќе инфекции значи и повеќе нови варијанти на SARS-COV-2: Нема гаранција дека новите варијанти ќе бидат побенигни од претходните

Брзото ширење на омикрон сојот на коронавирус, кој предизвикува поблага форма на Ковид-19 во споредба со претходните, поттикна мислења според кои Ковид-19 во моментов претставува помал ризик отколку во минатото, оставајќи некои да се прашуваат зошто да се обидуваме да спречиме инфекција сега, ако сите ние, порано или подоцна ќе бидеме изложени на вирусот. Експертите се обидоа да одговорат на тоа прашање.

„Се согласувам дека порано или подоцна сите ќе бидат изложени на вирусот, но подобро е тоа да се случи што е можно подоцна“, смета експертот за вируси Мајкл Нусенцвајг од Универзитетот Рокфелер. „Зошто? Затоа што подоцна ќе имаме поквалитетни, подобри и подостапни лекови и подобри вакцини“

Сè уште можете да добиете потешка форма на болеста

Студиите покажуваат дека е поголема веројатноста омикрон да резултира со асимптоматска форма на Ковид во споредба со претходните соеви. Кај луѓето кои имаат симптоми, повеќето од нив имаат многу благ облик на болеста, како што се болки во грлото или течење на носот, но немаат потешкотии со дишењето, што беше типично за претходните инфекции.

Но, брзото ширење на омикрон во многу земји во светот исто така значи дека во апсолутни бројки, повеќе луѓе ќе се разболат од потешка форма на болеста. Конкретно, неодамнешните податоци од Италија и Германија покажуваат дека луѓето кои не биле вакцинирани се многу поподложни на хоспитализација, сместување во единиците за интензивна нега и смртен исход.

Омикрон е петта варијанта на оригиналниот вирус SARS-CoV-2 и допрва останува да се види дали неговата способност да мутира ќе биде забавена

„Се согласувам дека порано или подоцна сите ќе бидат изложени на вирусот, но подобро е тоа да се случи што е можно подоцна“, смета експертот за вируси Мајкл Нусенцвајг од Универзитетот Рокфелер. „Зошто? Затоа што подоцна ќе имаме поквалитетни, подобри и подостапни лекови и подобри вакцини“, додаде тој.

Можете да заразите други

„Иако може да имате само благ облик на болеста, сепак можете да го пренесете вирусот на некој кој е во ризична група, дури и ако имате антитела што сте ги стекнале од претходната инфекција или вакцинација“, вели проф. Акико Ивасаки, имунолог од Јеил.

„Сè уште немаме податоци за тоа колку инфекции со омикрон завршуваат со долг Ковид. Сите оние кои го потценуваат омикрон, сметајќи го за „благ“, се изложуваат на ризик од исцрпувачка болест која може да трае со месеци или години“, предупредува проф. Акико Ивасаки, имунолог од Јеил

Се уште не се познати долгорочните последици од инфекција со омикрон

Долгорочните последици од омикрон сè уште се непознати

Инфекцијата со претходните соеви на коронавирус, вклучително и благи инфекции и „пробивни“ случаи по вакцинацијата, во многу случаи има предизвикано долготраен, исцрпувачки синдром на Ковид.

„Сè уште немаме податоци за тоа колку инфекции со омикрон завршуваат со долг Ковид. Сите оние кои го потценуваат омикрон, сметајќи го за „благ“, се изложуваат на ризик од исцрпувачка болест која може да трае со месеци или години“, предупредува Ивасаки.

Сè уште не е познато дали инфекцијата со омикрон на крајот ќе резултира со некој од „тивките“ ефекти што ги видовме кај претходните соеви, како што се производство на автоантитела, оштетување на семената течност или промени во клетките што произведуваат инсулин.

Иако може да имате само благ облик на болеста, сепак можете да го пренесете вирусот на некој кој е во ризична група

Недостаток на лекови

Треба да се има на ум дека два од трите лекови користени за време на претходните бранови на коронавирус немаат ефект против овој сој. А третиот, GlaxoSmithKline го нема речиси никаде.

Исто е и со новиот орален антивирусен лек наречен Паксловид на компанијата Pfizer, кој се покажа како ефикасен против омикрон. Имајте на ум дека ако се разболите, можеби нема да имате пристап до лекување.

Проблемот со преполните болнички објекти

Кај целосно вакцинираните лица кои примиле бустер доза и не страдаат од никакви хронични болести омикрон „нема да направи премногу штета“, рече Дејвид Хо, професор по микробиологија и имунологија на Универзитетот Колумбија. Но, сепак, колку помалку заразени, толку подобро, особено сега „кога болниците се веќе полни, а врвот на бранот омикрон допрва доаѓа во поголемиот дел од САД“, рече Хо.

Поради рекордниот број на заразени пациенти, болниците мораа да ги одложат однапред договорените хируршки зафати, како и лекувањето на онколошките пациенти. За време на претходните скокови во бројот на заразени и на оние на кои им беше потребна хоспитализација поради Ковид, преполните болници не беа во можност соодветно да ги третираат другите итни случаи, како што се срцевите удари.

Повеќе заразени значи повеќе нови варијанти на вирусот

Омикрон е петта варијанта на оригиналниот вирус SARS-CoV-2 и допрва останува да се види дали неговата способност да мутира ќе биде забавена.

Треба да се има предвид дека високата стапка на инфекции му дава на вирусот поголема можност за мутации, а нема гаранции дека новата варијанта на коронавирус ќе биде побенигна од претходните.

„SARS-CoV-2 нè изненади на многу различни начини во последните две години и сè уште не сме во позиција да го предвидиме еволутивниот пат на овој вирус“, истакна Хо, а пренесува „Ројтерс“.