Ве предупредиле на мачнините, знаете дека ќе ја зголемите телесната тежина. Сепак, никој не ви кажал дека ќе ви отекуваат прстите на рацете, нозете, зглобовите, образите…
Доколку забележите отоци за време на бремноста, не грижите се, не сте единствена. Оваа појава не е ретка и најчесто не е загрижувачка.
ЗОШТО ДОАЃА ДО ПОЈАВА НА ОТОК ВО БРЕМЕНОСТА?
Вашето тело се труди да создаде повеќе крв и течности за бебето. Вишокот течност може да доведе до тоа да изгледате помалку отечено. Покрај ова, бебето и матката создаваат притисок на вашиот циркулаторен и лимфен систем, што исто така доведува до отекување. Некои жени, отокот го забележуваат порано, но во најголем број од случаевите, тој се јавува во второто и третото тромесечје.
ШТО МОЖЕ ДА ДОВЕДЕ ДО ЗГОЛЕМЕНО ОТЕКУВАЊЕ?
- Долго стоење
- Премногу активност
- Топлото време
- Премногу сол во исхраната
- Ниско ниво на калиум
- Високо ниво на кофеин
ДАЛИ ТРЕБА ДА ВЕ ЗАГРИЖИ ПОЈАВАТА НА ОТОЦИ?
- Прееклампсија
Некогаш отокот се сметал за симптом на зголемен крвен притисок во бременоста (прееклампсија). Сега тој не се смета за критериум, иако жените со висок притисок имаат отоци.
Доколку мислите дека лицето ви е екстремно отечено, консултирајте се со лекар. Ако пак отоците на рацете и на стапалата се пречести, и кога ќе ја притиснете кожата останува трага неколку секунди, или забележите различни бои на кожата по нозете, најдобро е тоа да му го пријавите на својот гинеколог.
- Крвно згрутчување
Длабоката венска тромбоза е згрутчување кое се формира во вените. Ризикот од тромбоза се зголемува во бременоста, бидејќи телото создава повеќе компоненти кои се одговорни за создавањето згрутчувања. Други симптоми се болка, црвенило и тврдост. Може да забележите дека едната нога е поотечена од другата.
- Инфекција на кожата
Отокот може да се јави и ако на кожата се развие кожна инфекција – целулитис. Може да се јави и температира, болка и пликови.
Постојат и ретки компликации кои предизвикуваат оток, како проблеми со срцето и белите дробови. Ако се сомневате, разговарајте со својот лекар.
КОГА ТРЕБА ДА СЕ ОБРАТИТЕ КАЈ ЛЕКАР?
Доколку забележите било кој од наведените симптоми, важно е веднаш да направите стручна консултација:
- Болка, црвенило заедно со оток
- Едната нога е поотечена од другата
- Отоци на лицето и во рацете
- Главоболка
- Болка во стомакот
- Отежнато дишење
- Зголемена телесна температура
