Ова се симптомите на кракен

Сè повеќе луѓе всушност имаат симптоми слични на настинка. Ова значи дека симптомите како што се течење на носот, болки во грлото, кашлица и конгестија може да се очекува да бидат чести

Оние кои се вакцинирани би требало да имаат поблаги симптоми на инфекцијата

Кракен, варијанта на коронавирусот што се шири скоро 40 проценти побрзо од своите претходници, би можела да стане доминантна кај населението. Досега пријавените симптоми на кракен се многу слични на оние на омикрон, но некои се особено застапени.

Високата температура, која го карактеризира грипот, е многу редок симптом на кракен

Во моментов нема официјални информации за раните знаци на новата варијанта на коронавирусот, но експертите мислат дека симптомите ќе бидат слични на другите соеви на омикрон.

Д-р Алисон Арвади, комесар на Одделот за јавно здравје во Чикаго, исто така смета дека симптомите на кракен не доживеале голема промена. „Гледаме дека сè повеќе луѓе всушност имаат симптоми слични на настинка“, рече Арвади на прес-конференција, пренесува „Експрес“.

Ова значи дека симптомите како што се течење на носот, болки во грлото, кашлица и конгестија може да се очекува да бидат чести.

Арвади додаде дека високата температура, која го карактеризира грипот, е многу редок симптом на кракен.

Од друга страна, оние кои се вакцинирани треба да имаат поблаги симптоми на инфекцијата.