Секое дете има свои специфични стравови, не постои универзално правило за тоа кога и како ќе се ослободи од нив, но сите ние главно сме поминале низ истите страшни искуства, од кои некои стануваат смешни додека растеме, а некои се засекогаш чудовишта кои не сакаме да ги предизвикуваме во темница. Еве од што најчесто се плашат децата.
Мало бебе се плаши:
- Бучава
- Непознати возрасни лица
- Паѓање
- Кога неговите родители не се тука
- Силни визуелни дразби – бои, сјајна облека, големи возила во движење и големи предмети кои одеднаш му се приближуваат
- Промена во околината
- Силни и ненадејни звуци, бучава, викање, бура, дожд, лаење или други гласни животни
- Темнина
Како што расте детето, така и видовите на стравови стануваат поспецифични, нивниот број се намалува и преовладуваат визуелните стравови. Тоа се: паѓање при одење, непознати кучиња, оддалечување од мајката. Страшните илустрации во бајките и некои сцени на телевизија го зголемуваат стравот.
Кај децата од предучилишна возраст, стравовите стануваат нешто подлабоки и поповрзани со другите луѓе, семејството, околината, како и со сето она што нивната имагинација го навестува. Тоа често се:
- Страв од осаменост и загуба
- Страв од натприродни појави – духови, чудовишта, магии
- Страв од провалници
- Страв од одење на поткровје, во подрум
