Покачената температура е симптом на повеќе болести и нормален одговор на организмот во борбата против некоја инфекција, вирусна или бактериска, иако може да се јави и во други случаи, како што е после вакцинација, при некои хормонални нарушувања, кај автоимуни болести итн. Најчесто се јавува ноќе и во тек на викендите и ги избезумува родителите, особено оние кои првпат се во таа улога.
- Што треба да направат родителите кога детето среде ноќ ќе качи температура?
- Дали веднаш треба да се даде антипиретик, средство за симнување на температурата и дали овие лекови треба да му се даваат на дете со покачена температура кое е во добра општа состојба, без болки или други непријатности?
- Дали општата состојба на детето треба да биде прв показател за наредните дејства или треба стрикно да се држиме до бројката која ја покажува топломерот?
- Како правилно се мери телесната температура на детето?
- Зошто покачената температура е ургентна состојба кај бебињата и зошто родителите треба да ја сфатат сериозно?
- Кога се јавуваат фебрилни конвулзии?
- Кои се најефикасните методи за симнување на покачената температура во домашни услови?
На овие и други прашања на тема покачена телесна температура кај децата во новото издание на подкастот „Ваш педијатар“ одговара д-р сци. Александар Сајковски, доктор на медицински науки, специјалист педијатар, супспецијалист неонатолог, врвен стручњак, исклучителен соговорник, подеднакво обожуван и од дечињата и од родителите.
