ПОРАСТ НА ТЕЖИНАТА ПО НЕДЕЛИ: Доените бебиња напредуваат побрзо во првите 3 месеци од животот, а оние на формула по третиот месец

Можни се отстапувања бидејќи секое бебе напредува со свое темпо.

Во првите 5 месеци од својот живот, вашето бебе ќе ја удвои својата родилна тежина, а на возраст од една година ќе тежи дури три пати повеќе отколку кога се родило.

Како што секое бебе е приказна за себе, така е и зголемувањето на нивната тежина е индивидуално. Но, Светската здравствена организација (СЗО) го пресметала просечното зголемување на телесната тежина, за што зборуваме во овој текст.

За време на месечните прегледи во првите 6 месеци од животот на бебето, педијатарот редовно ќе проверува дали растот на телесната тежина е во нормални граници. Според досегашните сознанија, бебињата губат од 7 до 10 проценти од нивната родилна тежина во текот на првата недела по раѓањето, но до крајот на првиот месец од животот, тие ја враќаат, па дури и ја надминуваат.

Иако зголемувањето на телесната тежина кај доените и бебињата хранети со адаптирано млеко се разликува, до возраст од 2 години лекарите користат исти табели.

Еве колкаво зголемување на телесната тежина може да очекувате по недели:

  • 5 дена до 4 месеци: 170 гр неделно
  • 4 до 6 месеци: 113 до 150 гр неделно
  • Од 6 до 12 месеци: 57 до 113 гр неделно

Доени бебиња

Општо земено, доените новороденчиња до 3 месец од животот добиваат на тежина побрзо од бебињата хранети со формула. Зошто? Мајчиното млеко е динамично бидејќи неговиот состав се менува, во зависност од потребите на бебето. Токму затоа ако ја ставите во шише количината на измолзено мајчино млеко, ќе биде помала во споредба со количината на адаптирано млеко која ќе го засити бебето.

На бебињата кои се хранат со формула им требаат повеќе калории, а бидејќи формулата е статична, како што растат, потребно е да им се зголемува количината на млеко.

Во просек, доените бебиња пијат околу 800 милилитри млеко дневно во првите 6 месеци од животот. Затоа, се препорачува да се дои на барање, за бебето да ги добие сите потребни калории и хранливи материи.

Бебиња хранети со формула

Бебињата кои се хранат со адаптирано млеко дури по три месеци добиваат тежина побрзо од бебињата кои се доени.

Ако се придржувате до упатствата на пакувањето за адаптирано млеко, со сугурност ќе знаете колку бебето изело. Но, исто така, лесно е и да се претера во хранењето бидејќи не е секое дете исто.

Како да препознаете дека детето е гладно?

  • цицањето е болно за мајката
  • урината на бебето е темно жолта
  • зеленикава столица
  • слушате грцнување додека бебето пие
  • бебето нема најмалку 2 до 4 какани пелени дневно
  • забележувате знаци на дехидрација