Истражување спроведено на Универзитетот Колеџ во Лондон дошло до интересно сознание. Според тврдењето на стручњаците собрани околу ова истражување, постои разлика помеѓу бебињата родени со царски рез и оние кои се родени вагинално. Ова е најголемо вакво истражување, а се покажало дека спомената разлика се однесува на детскиот микробиом, односно група на бактерии кои живеат во цревата и кои се од клучна важност за имунитетот.
Микробиомот на новороденчињата родени по вагинален пат се состои, во најголем дел од бактерии на мајката, додека кај децата родени со царски рез микробиомот се состои од болнички бактерии.
“Бебињата во мајчиниор стомак се стерилни, а во моментот на раѓање нивниот имунитет добива огромен број бактерии со кои тргнуваат во живот. Претпоставуваме дека моментот на раѓање е момент во кој се поставува имунолошкиот систем“, објаснил авторот на студијата д-р Најџел Филд.
Важно е да се нагласи дека кај децата родени со царски рез преовладуваат бактерии кои кај здравите луѓе не предизвикуваат никакви проблеми. Сепак, ако имунитетот е слаб или ако не се наоѓаат во цревата, туку во ткивоѕо и крвототкот, може да предизвикаат различни болести.
“Тие разлики се намалуваат со тек на времето, така што на возраст од шест до девет месеци, најчесто целосно исчезнуваат“, објаснува д-р Најџел и нагласува дека е важно да се продолжи со слични истражувања како би се откриле долгорочни последици на разликата во микробиомот кај новороденчињата.
