Водечките руски лекари ги поканија познатите личности и политичари со антиваксерски ставови да ги посетат Ковид црвените зони во болниците и самите да се уверат во драматичните ефекти од пандемијата.
„Живееме во време кога мислењето на професионалец во која било индустрија може лесно да биде отфрлено од некоја позната личност“, напиша истакнатиот московски лекар Денис Проценко на својот Телеграм канал, објаснувајќи зошто лекарите го напишале писмото. „Се случува вистинска војна, секојдневно губиме повеќе од 1.000 луѓе во неа, кои не го подготвија своето тело да се соочи со овој опасен вирус“
Во отвореното писмо објавено од државната новинска агенција TASS, 11 лекари од неколку градови им пишаа на десетина јавни личности кои изразија антиваксерски ставови пред нивните стотици илјади следбеници на социјалните мрежи.
Русија, една од земјите најтешко погодени од пандемијата на коронавирус, се бори со широко распространето противење на вакцинацијата, иако има развиено неколку домашни вакцини, вклучително и Спутник V.
И покрај повеќекратните молби од претседателот Владимир Путин, само 37% од Русите се целосно вакцинирани, а земјата бележи повеќе од 1.000 смртни случаи дневно во последните недели.
Во своето писмо, лекарите им порачаа на неколку пејачи, актери, ТВ-личности и политичари кои изразија скептицизам во врска со вакцинирањето дека ќе одвојат време да ги прошетаат низ центрите каде што се лекуваат пациенти заболени од Ковид-19.
„Сите сме некако зафатени, веројатно можете да погодите со што“, се вели во писмото, меѓу чии потписници е и истакнатиот московски лекар Денис Проценко, кој е одговорен за централната Ковид болница во главниот град.
„Но, со оглед на тоа колку луѓе ве читаат и слушаат, ќе најдеме време да ве придружуваме низ црвените зони, одделенијата за интензивна нега и одделенијата за патологија во нашите болници“, велат лекарите.
„Да се надеваме дека авторитетот на овие лекари ќе помогне барем еден од тие луѓе да го смени своето гледиште“, изјави за новинарите во средата портпаролот на Кремљ, Дмитриј Песков
„Можеби после тоа ќе ја смените позицијата и ќе умрат помалку луѓе“, се додава во писмото.
Меѓу другите, писмото беше упатено и до познатото ТВ-лице Оскар Кучера, кој се сомневаше во безбедноста на вакцините пред неговите речиси 300.000 следбеници на Инстаграм овој месец.
Писмото исто така беше упатено и до актерот Јегор Бероев, кој воведувањето на ограничувања за невакцинираните московјани го спореди со третманот на нацистичка Германија кон Евреите, како и до рок ѕвездата Константин Кинчев кој за таблоид изјави дека „не сака да живее во дигитален концентрационен логор“.
Докторите, исто така, упатија апел до политичарите, вклучително и 77-годишниот комунистички водач Генадиј Зјуганов, чија партија организираше протести против задолжителната вакцинација и здравствените пропусници.
„Живееме во време кога мислењето на професионалец во која било гранка може лесно да биде отфрлено од некоја позната личност“, напиша Проценко на својот канал Телеграм, објаснувајќи зошто лекарите го напишале писмото.
„Се случува вистинска војна, секојдневно губиме повеќе од 1.000 луѓе во неа, кои не го подготвија своето тело да се соочи со овој опасен вирус“, рече тој.
Кремљ го поздрави писмото како „позитивен“ потег. „Да се надеваме дека авторитетот на овие лекари ќе помогне барем еден од тие луѓе да го смени своето гледиште“, изјави за новинарите во средата портпаролот на Кремљ, Дмитриј Песков.
Тој рече дека Русија има „ограничен круг на луѓе кои се скептични за вакцинацијата“.
Две години по пандемијата, расположението против вакцините останува широко распространето во Русија. Русија има регистрирано повеќе од 9,4 милиони случаи на коронавирус од почетокот на пандемијата, петти највисок број во светот и повеќе од 266.000 смртни случаи поврзани со вирусот, според владините бројки.
Државната агенција за статистика Rosstat соопшти дека реалниот број на починати од пандемијата во земјата бил близу 450.000 на крајот на септември. (The Moscow Times)
