Излегувањето од породилиштето е најсреќниот ден за сите семејства, без разлика на сезоната, но зимските бебиња мораат дополнително да се затоплат и добро да се облечат. Секоја мајка внимателно ја избира комбинацијата за излегување, а еве како да планирате и по што да се водите кога е ладно.
Слоевитост
Бебињата се особено чувствителни на температурни промени, поради што слоевитоста е клучот за нивната благосостојба на студено време.
Ова е водич чекор-по-чекор за облекување на вашето бебе за патот дома од болница:
- Основен слој
Започнете со мек, памучен комбинезон, боди или бенкица. Овој слој ќе обезбеди удобна основа и ќе ја отстрани влагата.
- Втор слој
Изберете облека со долги ракави или со стапала, изработена од удобен памучен плиш, мека волна или памук. Овој слој ќе обезбеди изолација и ќе ја задржи топлината и ќе биде свечена облека кога бебето ќе пристигне дома и ќе привлече големо внимание.
- Трет слој
За екстра ниски температури, размислете за додавање џемпер или кардиган. Секако, можете да се одлучите за подебела зимска вреќа за бебето, скафандер, но водете сметка дека оваа облека мора да се соблече пред да го ставите детето на седиштето во автомобилот. Задолжително понесете топло ќебе.
- Капа
Мека, топла капа е неопходна за се спречи загуба на топлина. Изберете таква да добро му стои на бебето и му ги покрива ушите.
- Надворешен слој
Завиткајте го бебето во топло, удобно ќебе кога ќе го врзете за седиштето во автомобилот. Имајте на ум дека ААП предупредува да не го ставате бебето во јакна, скафандер пред да се врзе во седиштето, бидејќи тоа ја загрозува безбедноста.
