Ткаенината префрлена врз количката го запира протокот на воздух, ја крева температурата на телото, го отежнува дишењето и истовремено ги спречува родителите навреме да видат дека на бебето не му добро
Иако можеби мислите дека на овој начин ќе го заштитите вашето бебе од сонцето и топлината, никогаш не треба да ја покривате детската количка со тенок материјал, пелена, ќебе, газа или нешто слично, апелираат експертите, кои велат дека тоа може да има фатални последици!
Дури и многу тенко ќебенце може драматично да ја подигне температурата во количката и да го зголеми ризикот од синдром на ненадејна смрт кај бебињата.
Шведските истражувачи, предводени од педијатарот Сванте Норген, откриле дека овие прекривки во голема мера ја забавуваат циркулацијата на воздухот и создаваат неподнослива вруќина.
Тестирајќи ги своите тврдења, истражувачите откриле дека температурата во покриена количка, која е оставена на сонце, е за 15 степени повисока отколку во количка која не е покриена. Покрај фактот што прекривката создава екстремна топлина, многу е тешко и да видите што прави бебето во секој момент.
На родителите им се советува да не го носат бебето надвор од 11 до 17 часот и, се разбира, никогаш да не ја покриваат количката додека се шетаат.
