Високиот крвен притисок или хипертензијата е состојба што може да се јави и кај децата. Почесто се јавува кај момчињата, особено кај оние постари од 12 години. Токму затоа е важно повремено да им се проверува притисокот на децата и навреме да се забележат првите симптоми, бидејќи со текот на времето високиот притисок може да ги оштети органите.
Што предизвикува висок крвен притисок кај децата?
Високиот крвен притисок кај децата може да биде предизвикан од различни фактори, а се разликуваат примарна и секундарна хипертензија. Примарната хипертензија нема само една причина и е најчестиот вид висок крвен притисок кај децата.
Таа најчесто се јавува кај деца постари од шест години, кај деца со прекумерна телесна тежина, како и кај деца кои имаат семејна историја на висок крвен притисок.
Повеќето деца нема да имаат никакви симптоми ако имаат висок крвен притисок. Хипертензијата најчесто се открива при мерење на крвниот притисок. Токму затоа е важно редовно да им се мери притисокот на децата, особено на оние кои имаат предиспозиции за хипертензија
Од друга страна, секундарната хипертензија кај децата е предизвикана од одредени состојби или болести. Најчеста причина се болестите на бубрезите. Освен тоа, може да се појави и поради апнеја, генетски мутации, хормонален дисбаланс или вродени срцеви мани.
Покрај наведеното, високиот крвен притисок може да се појави и како последица на прекумерен внес на сол во исхраната или поради недоволно движење и физичка активност. Исто така, се јавува и кај деца кои имаат дијабетес.
Симптоми на висок крвен притисок кај децата
Кај децата на возраст од 13 години и повеќе, нормален крвен притисок е кога систолниот притисок е помал од 120, а дијастолниот помал од 80. Кај помалите деца, високиот крвен притисок зависи од возраста и од други фактори.
Примарната хипертензија најчесто се јавува кај деца постари од шест години, кај деца со прекумерна телесна тежина, како и кај деца кои имаат семејна историја на висок крвен притисок
Повеќето деца нема да имаат никакви симптоми ако имаат висок крвен притисок. Хипертензијата најчесто се открива при мерење на крвниот притисок. Токму затоа е важно редовно да им се мери притисокот на децата, особено на оние кои имаат предиспозиции за хипертензија.
Сепак, кај некои деца може да се појават симптоми како главоболка, напади, повраќање, болка во градите или отежнато дишење – ова се знаци дека е време за посета на лекар, бидејќи може да станува збор за хипертензивна криза.
Како се лекува високиот крвен притисок кај децата?
Високиот крвен притисок кај децата се лекува во зависност од состојбата на детето и од тоа дали станува збор за примарна или секундарна хипертензија. Понекогаш, лекувањето на состојбите и болестите што ја предизвикуваат хипертензијата може да доведе до нормализирање на крвниот притисок. Најчесто, високиот крвен притисок се третира со лекови или со промени во животните навики. Тука спаѓаат промена на исхраната, повеќе физичка активност и намалување на стресот.
Кај некои деца може да се појават симптоми како главоболка, напади, повраќање, болка во градите или отежнато дишење – ова се знаци дека е време за посета на лекар
Доколку високиот крвен притисок кај младите не се третира, може да дојде до оштетување на органите како мозокот, срцето или бубрезите. Со текот на времето, овие оштетувања може да доведат до срцев или мозочен удар, како и до бубрежна слабост. Исто така, високиот крвен притисок може да продолжи и во возрасна доба.
Резиме
Високиот крвен притисок кај децата често не може да се препознае по симптомите, туку се открива со редовно мерење на притисокот. Може да станува збор за примарна или секундарна хипертензија, а во двата случаи е потребно лекување со лекови и промени во животните навики. Доколку оваа состојба кај децата не се третира, може да дојде до оштетување на органите.
