Препознајте ги знаците на анксиозност во бременоста

По многу истражувања, анксиозноста во бременоста е дури почеста појава од депресијата, која може да се јави и кај мажите.

Треба да имате на ум дека грижата е здраво и нормално чувство. Сепак, кога таа почнува да оптоварува и влијае на разни животни сегменти и нормалното секојдневно функционирање, кога го ремети сонот и чувствувате едноставно дека не можете да се ослободите од неа, тогаш станува збор за ментална состојба која не е здрава. Но, знајте дека не е во прашање ваш личен избор или знак на слабост.

Всушност, анксиозноста за време на бременоста се јавува многу често. По многу истражувања, анксиозноста во бременоста е дури почеста појава од депресијата, која може да се јави и кај мажите.

СИМПТОМИ

  1. Нервозни сте цело време или поголем дел од денот и никако не можете тоа да го контролирате
  2. Постојано сте вознемирени
  3. Имате претчувство дека нешто лошо ќе се случи и стравувате
  4. Постојано сте загрижени
  5. Ве обзема чувство на страв
  6. Не можете да се сконцентрирате на обврските
  7. Имате чувство дека мозокот не ви работи
  8. Раздразнети сте
  9. Се чувствувате како да сте на раб на нервите
  10. Не успевате да се наспиете