ПИШУВА:
Прим. д-р Соња Петровска
педијатар-пулмоалерголог
♦♦♦♦♦♦♦
Хронична кашлица е кашлица која трае осум недели или подолго кај возрасни, или четири недели кај деца. Хронична кашлица значи многу повеќе од причина за вознемиреност. Хроничната кашлица може да го поремети сонот и да предизвика исцрпеност на организмот. Тешки случаи на хронична кашлица може да предизвикаат повраќање, лесна главоболка, па дури и фрактури на ребра. Иако понекогаш може да биде тешко да се пронајде проблемот што предизвикува хронична кашлица, најчести причини се: пушењето, постпазален секрет, астма и желудечен рефлукс. За среќа, хроничната кашлица обично исчезнува откако ќе се третира основниот проблем.
Симптоми
Може да се појави хронична кашлица и во склоп на други знаци и симптоми:
• Течење на носот • Чувство на сливање на секрет низ задниот дел од грлото (постназален секрет) • Често прочистување на грлото и болки во грлото • Променет глас • Отежнато дишење и останување без здив • Киселина или кисел вкус во устата • Во ретки случаи, искашлување на крв
Кога да се посети лекар
Лекар мора да се посети ако кашлицата трае со недели, особено ако има искашлување на спутум или крв, ако се нарушува спиењето или влијае на учењето или на работењето.
Повремена кашлица е нормална – помага при расчистување на надразнувачи и секрети од белите дробови и спречува инфекција. Сепак, кашлицата што трае со недели обично е резултат на медицински проблем. Најчесто е вклучена повеќе од една причина.
Следниве причини, сами или во комбинација, се одговорни за повеќето случаи на хронична кашлица:
- Постназален секрет. Кога носот или синусите произведуваат дополнителен слуз, кој може да се спушти низ задниот дел од грлото и да предизвика рефлекс на кашлица. Оваа состојба се нарекува и синдром на кашлица на горните дишни патишта (UACS).
- Астма. Кашлица поврзана со астма може да се појави и да престане со годишните времиња, да се појави при инфекција на горните дишни патишта или да се влоши при изложување на студен воздух или одредени хемикалии или мириси. Кај еден вид астма (кашлица-варијанта астма), кашлицата е главниот симптом.
Кашлицата може да перзистира во склоп на пневмонија, грип, настинка или друга инфекција на горниот респираторен тракт. Честа, но недоволно признаена причина за хронична кашлица кај возрасни е пертусис, позната и како голема кашлица
- Гастроезофагеална рефлуксна болест (ГЕРД). Во оваа состојба, желудечната киселина се враќа во хранопроводот. Постојаната иритација може да доведе до хронично кашлање. Кашлањето, пак, го влошува ГЕРД.
- Инфекции. Кашлицата може да перзистира во склоп на пневмонија, грип, настинка или друга инфекција на горниот респираторен тракт. Честа, но недоволно признаена причина за хронична кашлица кај возрасни е пертусис, позната и како голема кашлица. Хронична кашлица може да се појави и кај габични инфекции на белите дробови, инфекција со туберкулоза (ТБ) или инфекција на белите дробови со нетуберкулозни микобактериски организми.
- Хронична опструктивна белодробна болест (ХОББ). ХОББ, хронично воспалително заболување на белите дробови што предизвикува отежнат проток на воздух од белите дробови, вклучува хроничен бронхит и емфизем. Хроничен бронхитис може да предизвика кашлица со заматен искашлок. Емфизем предизвикува диспнеа поради оштетување на алвеолите во белите дробови.
- Лекови за крвен притисок. Инхибитори на ензими кои го конвертираат ангиотензин (ACE), кои обично се пропишани за висок крвен притисок и срцева слабост, се знае дека предизвикуваат хронична кашлица кај некои луѓе.
Поретко, хронична кашлица може да биде предизвикана од:
- Аспирација на туѓи тела кај деца;
- Бронхиектазии;
- Бронхиолитис (воспаление на многу мали дишни патишта на белите дробови);
- Цистична фиброза;
- Гастроезофагеален рефлукс (кога стомачна киселина се враќа во грлото);
- Неастматски еозинофилен бронхитис (воспаление на дишните патишта не предизвикано од астма);
- Идиопатска пулмонална фиброза (хронично оштетување на белите дробови поради непозната причина).
(продолжува)
◊◊◊◊◊◊◊
ПОВЕЌЕ СТРУЧНИ ТЕКСТОВИ ОД ПРИМ. Д-Р СОЊА ПЕТРОВСКА
ПРОЧИТАЈТЕ НА СЛЕДНИОВ
ЛИНК
