Маслиновото масло е најздраво, спанаќот е богат со железо, тоа го тврди дури и Попај. Што од ова е точно? Разбивме некои од најголемите митови кога станува збор за исхраната на децата.
- Детската храна е поздрава од обичната храна
Зависи. Намирниците кои се рекламираат со придавката „детски“, како што се детските колбаси, детските пици, детските овошни сокови и слично, не подлежат на никакви посебни контроли и често се полни со шеќери и масти. Значи, не се особено здрави. Целните намирници за одредена возрасна група, како што е млекото за доенчиња и некои видови храна на која е точно наведена намената и возрасната група (на пр. „од 5 месеци“) се дизајнирани да ги задоволат нутритивните потреби на децата и како такви ја поминале контролата. Освен тоа, сите потребни информации можете да ги добиете доколку внимателно ги прочитате состојките.
- Децата треба да јадат салата
Марулата е здрава, но не содржи повеќе витамини и минерали од другото овошје и зеленчук. На пример, морковите и лубеницата имаат повеќе бета-каротин. Брокулата, анасонот и карфиолот имаат повеќе витамин Ц од зелената салата. Единствено фолната киселина е најзастапена во зелената салата. Доматот содржи половина помалку фолна киселина, пиперката само една четвртина.
- Најздравото масло е маслиновото масло
Маслиновото масло е здраво, во тоа нема сомнеж. Но, маслото од репка е многу поздраво бидејќи содржи повеќе омега-3 масни киселини. Маслата од лен, соја и орев се подеднакво здрави.
- Шеќерот предизвикува кариес
Кариес добивате кога ќе се спојат три работи: бактерии, јаглехидрати и протокот на време. Слатките не им штетат на забите ако редовно практикувате орална хигиена. Уште полошо поминуваат оние кои сакаат да јадат храна како чипс или овес, а потоа не ги мијат забите. Чистиот шеќер брзо се мие со плунка, додека производите од скроб често се „лепливи“ за забите.
- Чоколадото предизвикува мозолчиња
Тоа не е точно. Тенот е главно генетски условен. Главни непријатели на кожата се пушењето и сонцето, а појавата на мозолчиња речиси секогаш ја предизвикуваат хормоните.
- Спанаќот е богат со железо
Не толку колку што мислевме, иако во споредба со други зеленчуци се уште добро стои. Проблемот е што спанаќот содржи големи количини на оксална киселина, која ја намалува способноста на телото да апсорбира железо.
- Сувото овошје и медот се здрави слатки
Ако шеќерот не е здрав, не може ниту медот (содржи 78 отсто шеќер) и сувото овошје (содржи околу 45 отсто шеќер). Сувото овошје исто така може да предизвика расипување на забите, бидејќи се лепи за забите.
