Потребно:
За тестото:
- 3 јајца
- 150гр шеќер
- 150гр брашно
- ½ кесичка прашок за печиво
- 3 лажици млака вода
За филување:
- 1 мала тегличка чоколаден крем
- 4-5 банани
- 500мл слатка павлака
Подготовка: Изматете ги јајцата и шеќерот. Додадете ја млаката вода и продолжете со матењето. Потоа додадете ги брашното и прашокот за печиво и измешајте со лажица. Смесата сипете ја во намастено и набрашнето тавче и ставете да се пече во загреана рерна на 180 степени, 20-25 минути. Оставете да се излади кората, па потоа премачкајте ја со чоколадниот крем. Над кремот наредете еден ред бананите исечени на половина по должина. Изматете ја слатката павлака и премачкајте ја над бананите. Украсете со рендано чоколадо и ставете го колачот во фрижидер убаво да се излади. Добар апетит!
