Потребно:
- 3 јајца
- Прстофат сол
- 50 гр пченкарен скроб
- 150 гр шеќер
- 800 мл млеко
- 10 г ванилин шеќер
- 70 гр путер
- 200 гр кокос
- 400 гр бисквити
Подготовка: Измешајте ги јајцата со прстофат сол. Додадете пченкарен скроб и шеќер, па добро изматете. Додадете млеко во смесата и измешајте. Ставете во тенџере и варете на тивок оган со постојано мешање додека кремот не се згусне. Кога ќе видите дека кремот проврил, варете уште една минута. Тргнете го кремот од оган и додадете ги ванилиниот шеќер и путерот, мешајте додека не се растопат. На дното на садот за колачот, ставете неколку лажици крем. Распоредете го кремот по садот, па врз него наредете бисквити. Врз нив распоредете 1/3 од кремот, а врз него посипете кокос. Потоа, врз кремот ставете уште еден слој бисквити, слој крем, слој кокос и повторете го процесот трет пат, завршувајќи со кокосови снегулки. Колачот покријте го со проѕирна фолија и оставете да се излади. Ставете го во фрижидер 2 часа, а потоа послужете и уживајте. Добар апетит!
