Потребно:
· 200мл вода
· 550гр шеќер
· 300гр мелени ореви
· 300гр мелени бисквити
· 250гр путер
· 100гр чоколадо за готвење
За глазура:
· 150гр црно чоколадо
· 2 лажички масло
Подготовка: Во тенџере ставете ги водата со шеќерот да се загреат до степен да шеќерот се растопи. Потоа, додадете го путерот, па кога и тој ќе се стопи, додадете ги оревите и мелените бисквити. За цело време мешајте, се додека не добиете изедначена смеса. Во половина од добиената смеса додадете растопено чоколадо. Вториот дел оставете го каков што е. Во калап, чинија или сад како што вам ви одговара ставете проѕирна фолија и намастете ја. Распоредете го прво чоколадниот дел од смесата, убаво и еднакво распоредете по целата должина на садот, а потоа одозгора додадете го и светлиот дел. Чоколадото за глазура истопете го на пареа и додадете малку масло. Прелијте ја бајадерата. Оставете колачот да отстои во фрижидер неколку часа, пред да го дегустирате. На здравје.
