Потребно:
- Тиква
- Кромид
- Морков
- Карфиол
- Бела риба по избор
- Маслиново масло
Како идеална количина за секоја намирница нека ви послужи големината на дланката на бебето/детето, и единствено се користи половина од количината на кромидот.
Подготовка: Тиквата, кромидот, морковот и карфиолот исечкајте ги на ситни парчиња и ставете ги да се варат во малку студена вода, колку да се покрие зеленчукот. Рибата исчистете ја од коски, а за бебе најдобро е да користите риба која има малку коски. Кога зеленчукот е зварен, додадете ги парчињата риба и кратко доварете. Зеленчукот изгмечете го со вилушка или испасирајте го со рачен миксер – стап, за да добиете кремаста супа. Потоа додадете една мала лажичка маслиново масло.
