Потребно:
За 12 мафини
- 2 помали тиквици
- Малку сол
- 2 јајца
- 1 прашок за печиво
- 1 чаша јогурт
- 4 лажици масло
- 2 чаши брашно
Подготовка: Вклучете ја рерната да се загрее на 200 степени. Тиквиците убаво измијте ги и изрендајте ги заедно со кората. Изматете ги јајцата па додадете го јогуртот и маслото, а потоа и брашното претходно измешано со прашокот за печиво. Мешајте да добиете хомогена смеса, па додадете ги тиквиците. Во калап за мафини ставете хартиени корпички. Полнете ги до врвот и ставете ги да се печат околу 30 минути, додека не заруменат.
