Потребно:
За филот:
- 5 јајца
- 200гр шеќер
- 40гр густин
- 150гр гриз
- 2 кесички ванилин шеќер
- 1.300мл млеко
- 50гр маргарин
За сирупот:
- 300гр шеќер
- 300мл вода
- 2 кесички ванилин шеќер
- Рендана кора од лимон или портокал
И уште:
- 10 кори за пита
- 100гр растопен маргарин
Подготовка: СИРУПОТ: Во тенџере ставете го шеќерот и прелијте го со вода. Додадете го и ванилиниот шеќер и ставете да проврие. Нека врие пет минути, па додадете ја ренданата кора од лимон или портокал. Промешајте. Оставете сирупот да се олади. ФИЛОТ: Во сад измешајте ги јајцата, густинот, гризот, ванилиниот шеќер и 300мл млеко. Се тоа убаво изматете и соединете. Потоа преостанатиот литар млеко ставете го во тенџере и на шпорет. Додадете го шеќерот и кога ќе зоврие ставете ја смесата со јајцата. Цело време мешајте. Филот е готов кога ќе згусне. Додадете го маргаринот во готовиот фил и мешајте додека не се стопи.
Тавчето премчакајте го со истопениот маргарин. Ставете 5 кори. Секоја кора премачкајте ја со малку од стопениот маргарин, но не премногу. На петта кора ставете го цел фил и израмнете. Преку филот ставете ги преостанатите пет кори, и сите повторно премачкајте ги со маргарин, освен последната. Исечете ја питата на коцки и прелијте со малку од маргаринот кој ви останал. Ставете колачот да се пече во претходно загреана рерна на 180 степени, околу 30-35 минути. Жешката пита прелијте ја со ладниот сируп и оставете да се олади.
