РЕЦЕПТ НА ДЕНОТ: Ѓувеч со месо

Ѓувечот е старинско јадење кое се прави од зеленчук и ориз, а некои домаќинки често додаваат месо во оваа вариво. Денеска ви предлагаме да направите ѓувец со месо по ваш избор, а подготовката е прилично едноставна. Ако сакате малку позачинети јадења, тогаш можете да додадете малку лута пиперка. 

Потребно:

  • 4 домати
  • 2 пиперки
  • 1 модар патлиџан
  • 1 кромид
  • 300 гр ориз
  • 1 рамна лажица маст
  • 400 гр месо по желба

Подготовка: Во тенџере растопете ја маста, па пропржете го ситно исечканиот кромид. Кога ќе омекне, додадете ги исечканите пиперки и промешајте, па додајте го сечканиот модар патлиџан (ако има крупни семки извадете ги). Додадете малку вода и измешајте. Доматите на задниот дел засечете ги во форма на крст, па бланширајте ги во врела вода неколку минути. Потоа извадете ја лушпата, исечкајте ги и додадете ги  во тенџерто. Зачинете по желба, па покријте и варете го ѓувечот  додека зеленчукот не омекне. Потоа додадете го измиениот ориз и измешајте, а по потреба налејте уште малку вода. Продолжете да го готвите ѓувечот, додека и оризот не омекне. За тоа време месото исечкајте го на коцки и испржете го. Додадете го во готовиот сад и измешајте. Добар апетит!

ПОВРЗАНИ НАПИСИПОВЕЌЕ ОД АВТОРОТ