Потребно:
- 500 гр брашно
- 1 кесичка сув квасец
- 300 мл млака вода
- 50 мл маслиново масло
- 1 лажичка шеќер
- 1 лажичка сол
- 1-2 лажици маслиново масло
- Морска сол
- Свеж рузмарин
Подготовка: Во голем сад измешајте ги брашното, квасецот, шеќерот и солта. Постепено додавајте ја млаката вода и маслото и мешајте додека се да се соедини. Тестото префрлете го на набрашнета работна површина и месете го додека не стане мазно и еластично. Ставете го во поголем сад, покријте го со крпа и оставете го да отстои околу еден час на топло место додека не се удвои. Тавата за печење премачкајте ја со маслиново масло, а потоа ставете го тестото и истегнете го со раце за да се наполни целата површина. Направете мали вдлабнатини во тестото со прстите и прелијте го со маслиново масло. Додадете го иситнетиот рузмарин и посипете со морска сол. Оставете да нарасне уште 30 минути. Се пече во загреана рерна на 220 °C околу 15-20 минути додека не добие златно кафеава кора. Добар апетит!
