РЕЦЕПТ НА ДЕНОТ: Кнедли од мелено месо +10м.

Предлог за брз, но хранлив ручек кој вашето дете ќе го обожава.

Подготовка: Сомелете го свареното пилешко или мисиркино месо. Додајте една жолчка и 1-2 лажици пченично брашно. Од добиената смеса направете кнедли. Испечете ги на масло за готвење.

Ставете во тенџере една лажица масло и една лажица брашно. Кога ќе пожолти, додадете сок од домати и малку вода. Кога ќе проврие, додајте ги кнедлите од месо. Гответе уште 10 минути. Со вака подготвените кнедли може да се понуди и пченкарен гриз или пире од компир помешан со варен морков.