Потребно:
- 3 тиквички
- 1 кромид
- 3-4 лажици масло
- 1 морков
- 1 црвена пиперка
- 3 јајца
- 300 мл млеко
- 240 гр брашно
- 150 гр потврдо сирење
Подготовка: На малку масло во тавче пропржете го ситно сечканиот кромид, па додадете го изренданиот морков. По 2 минути додадете ја пиперката исечкана на ленти. Зачинете со сол и бибер, па пржете додека зеленчукот не омекне. Тиквичките изрендајте ги, па добро процедете ги. Потоа додадете им го пржениот зеленчук и убаво измешајте. По потреба зачинете го уште малку. Во друг сад измешајте ги млекото, брашното и јајцата, па добро изматете да нема грутчиња. Прелијте го зеленчукот и соединете. Тавата за печење обложете ја со хартија за печење. Ставете ја добиената смеса и израмнете ја. Печете ја питата во загреана рерна на 200°C околу 35 минути. Потоа извадете ја, посипете со рендано сирење и печете уште 15 минути. Добар апетит!
