Потребно:
За 10 лица
- 2 коцки свеж квасец
- 750мл млака вода
- 2 лажички шеќер
- 1кг оризово брашно
- 1 лажичка сол
- 10гр ким
Подготовка: Иситнете го квасецот, прелијте го со млака вода, додадете го шеќерот и оставете на топло место околу 15 минути. Потоа додадете половина од количината на брашното, измешајте, покријте и оставете да надојде на топло место околу еден час. Потоа, додадете и измешајте ја преостанатата количина брашно, сол и ким и месете додека тестото не стане лепливо. Повторно покријте го тестото, ставете го на топло место и оставете да надојде уште 60 минути. Потоа, со влажни раце обликувајте го тестото по желба. Може да го поделите на два дела, па да оставите на намастено тавче на топло уште малку да порасне. Печете во загреана рерна на 180 степени, околу 90 минути. Испечениот леб попрскајте го со вода и покријте го со кујнска крпа. Добар апетит!
