Потребно:
- 500гр брашно
- 1 кесичка сув квасец
- 1 лажица сол
- 1 лажица шеќер
- 30мл зејтин
- 130мл јогурт
- 130гр сирење или урда
- 250мл млака вода
- Малку млеко и сусам, по желба
Подготовка: Сувите состојки соединете ги и измешајте ги со лажица. Потоа додадете ги сите преостанати состојки и со лажица мешјате додека се убаво не се соедини и не добиете малку помеко тесто. Оставете го покриено да надојде. Подгответе тава побложена со хартија за печење. Тестото ставете го на набрашнета површина, месете толку колку да не се лепи и поделете го на пет еднакви делови. Секој дел обликувајте го во помало лепче, па редете ги на тавата. Оставете да отстојат 15 минути. По желба, секое лепче премачкајте го со млеко, наросете сусам и печете ги на 200 степени, околу 25 минути. Добар апетит!
