Потребно:
- 1 ½ кг поситен млад компир
- 6 лажица маслиново масло
- 6 парчиња сланина
- 2 чешниња лук
- 50мл јаболков оцет
- 2 лажички кафеав шеќер
- 8 парчиња млад кромид
Подготовка: Компирите сварете ги во солена вода, оставете ги да се изладат и потоа прелијте ги со две лажици маслиново масло. Во меѓувреме, исечете ја сланината на парчиња со големина од сантиметар и испечете ја на средна температура додека не стане крцкава, а потоа оставете ја на посебна чинија. Во тавата ставете ги сечканиот лук, оцетот, кафеавиот шеќер и претходно запечената сланина и измешајте, па додајте ги преостанатите четири лажици масло. Зачинете со сол и бибер и префрлете ги во посебен сад. На грил тавче пропржете ги варените компири 2-3 минути, ставете ги на чинија и потоа во истата тава пропржете го исечканиот млад кромид 4-6 минути. Компирите се сечат на помали парчиња, се мешаат сите подготвени состојки и се додаваат свежи зачини, а потоа оставете убаво да се излади, па сервирајте. Добар апетит!
