Потребно:
За тестото
- 250гр интегрално брашно
- 1/2 шолја мелени лешници
- 250гр кафеав шеќер
- 1/2 шолја зејтин
- 5 јајца
- 3 шолји рендан морков
- 1 прашок за печиво
- 2 лажички цимет
- 1/2 лажичка сол
За кремот
- 400гр несолена урда
- 250гр крем сирење
- 1 шолја шеќер во прав
- 2 лажички екстракт од ванила
Подготовка: Загрејте ја рерната на 180 степени. Намастете и набрашнете кружна тава за печење со размер од 22 сантиметри. Во еден сад измешајте го интегралното брашно со лешниците, прашокот за печиво, солта и циметот. Во друг сад измиксирајте ги јајцата со шеќерот и зејтинот, додека убаво не се соединат. Земете шпатула и полека соединете ги додека не добиете мазно тесто. Потоа додадете ги ренданите моркови. Ставете ја смесата во тавчето и печете околу 50-55 минути. Кога тестото ќе биде готово, оставете го во тавчето да се олади 15 минути, а потоа извадете го и оставете го целосно да се олади.
Во поголем сад изматете ги урдата, крем сирењето, шеќерот во прав и екстрактот од ванила. Кога тестото е целосно оладено, исечете го по средината на две половинки. Врвот на едната половина премачкајте го дел од кремот, па врз неа ставете ја втората половина. Премачкајте ја зелата торта со остатокот од кремата и ставете ја во фрижидер да се олади. Украсете по желба.
