Потребно:
- 1 кг боранија
- 500 гр мелено месо
- 4 јајца
- 200 мл масло
- 3 чешниња лук
- 2 главици кромид
- 180 гр кисела павлака
- 1 китка магдонос
Подготовка: Едниот кромид исечкајте го, па пропржете го на масло. Кога ќе омекне, додадете го иситнетиот лук и исчистената боранија. Посолете и побиберете, налејте малку вода, па динствувајте. Гответе додека боранијата не омекне, а по потреба додадете уште вода. Во тавче пропржете го другиот ситно исечкан кромид, па додадете го меленото месо. Зачинете по желба и испржете. Тргнете го од шпорет, па во месото додајте едно изматено јајце и сечканиот магдонос. Сè убаво измешајте, па во тавата што сте ја подмачкале со масло наизменично редете боранија и мелено месо. Последниот ред треба да биде боранија. Останатите 3 јајца изматете ги со павлаката, зачинете по желба и потоа прелијте ја мусаката. Се пече во рерна на 200°C околу 40 минути. Добар апетит!
