РЕЦЕПТ НА ДЕНОТ: НА ДЕЦАТА ЌЕ ИМ СЕ ДОПАДНЕ – Грчко тако

Иако такото е традиционално мексиканско јадење, далеку од грчко, денешниот шарм на fusion кујната (комбинирање на различни традиционални јадења во едно) ја дозволува оваа грчка варијанта со примеси на медитеранска кујна. Вистинско уживање за гурманите и кулинарски авантуристи кои сакаат да ги прошират своите хоризонти и да пробаат нешто ново, а сигурно ќе ги воодушеват и најмладите.

Потребно:

  • 500 гр мелено месо по избор (мисиркино, мешано или телешко)
  • 8 тортиљи
  • 1 чаша шери домати
  • 1/2 чаша црни маслинки
  • 1/2 чаша фета сирење
  • 1/4 чаша сос од јогурт
  • 1/2 чаша свеж магдонос
  • 2 чешниња лук
  • 1/2 лажичка суво оригано
  • Сол и црн пипер
  • 2 супени лажици маслиново масло

Подготовка: Загрејте ја тавата, маслиновото масло и пропржете го меленото месо додека не порумени. Додадете суво оригано, сол и бибер по вкус. Додадете го лукот и пржете уште 2 минути. Загрејте ги тортиљите во сува тава додека не добијат крцкава текстура. Месото и другите состојки ставете ги во сад и убаво измешајте. Секоја тортиља наполнете ја со смесата и сосот од јогурт. Добар апетит!

ПОВРЗАНИ НАПИСИПОВЕЌЕ ОД АВТОРОТ