Потребно:
- 1кг брашно
- 600мл млеко
- 300мл зејтин
- 2 кесички сув квасец
- 2 лажички шеќер
- 3 лажички сол
Подготовка: Дел од млекото загрејте го, но не го прегревајте. Додадете го квасецот и шеќерот и оставете малку да се активира. Потоа, во брашното додадете го надојдениот квасец заедно со преостанатото млеко и зејтинот. Во смесата додадете и сол. Се заедно убаво измешајте со дрвена лажица и замесете тесто. Потоа оставете тестото да надојде, не помалку од еден час. Кога ќе биде двојно зголемено, од него формирајте 4 топки и од секоја топка правете топчиња со големина со која сакате да ви бидат кифличките. Секоја кифличка откако ќе ја наредите во тавче обложено со хартија за печење, премачкајте ја со жолчка и наросете сусам или ким. Печете ги на 180 степени, околу 20-25 минути. Добар апетит!
