РЕЦЕПТ НА ДЕНОТ: Оризов пудинг со јаболко

Јаболкото е првата намирница која се воведува во дохраната, а децата го обожаваат! Јаболките многу лесно се комбинираат со други намирници, банана и друго овошје, житарици, различен зеленчук како морков и тиква, јогурт, пилешко. Затоа и не зачудува што токму јаболките се првото овошје кое се воведува на самиот почеток на дохраната. Полни се со витамини, минерали, прехранбени влакна и овошни киселини. Изобилуваат со витаминиите Ц, А, Б1, Б2, Б6, како и со минералите калциум, калиум, магнезиум и железо. Ова е рецепт за вкусен десерт кој на децата ќе им ги открие сите тајни на поинаков пудинг.

Потребно:

  • 1 шолја ориз
  • Малку сол
  • 5 шолји кравјо млеко
  • ½ шолја шеќер
  • 1 лажица сок од портокал
  • 1 јаболко
  • 1 лажичка мелен цимет
  • ½ лажица мед

Подготовка: Во сад ставете го оризот, солта и една и пол шолја вода. Кога ќе почне да врие, намалете ја температурата, делумно затворете го садот и варете додека не се впие целата вода, околу 6-8 минути. Додадете го млекото и продолжете да варите со повремено мешање, додека оризот не омекне, а млекото не се згусне. Додадете го шеќерот и сокот од портокал, па продолжете со варењето додека не се стопи шеќерот. Потоа оставете малку да се олади. Пред сервирање, наросете со цимет, украсете со парчиња јаболко и на секоја чинија одозгора ставете по малку мед. Добар апетит!

ПОВРЗАНИ НАПИСИПОВЕЌЕ ОД АВТОРОТ