Потребно:
- 1 шолја полно зрно од овес
- 3 шолји филтрирана вода
- Половина стапче ванила
- Прстофат морска сол
- Малку цејлонски цимет
Подготовка: Овесот убаво измијте го и исцедете го од вода. Ставете го во сад и прелијте го со ладна вода, па оставете да отстои најмалку 20 минути, а може и подолго. По тоа време, повторно измијте го и исцедете го од вода. Ставете го овесот во блендер и додадете ја водата. Прво ставете го блендерот на најмала брзина, па полека до најголема на која ќе работи 8-10 секунди. Потоа процедете го овесот со помош на густа цедалка, па добиената течност вратете ја во блендерот, кратко пак измиксирајте и пак процедете. На крајот додадете цимет, малку морска сол и ванила.
