Потребно:
- 600гр замрзната мешавина за ѓувеч
- 400гр пилешко месо
- 1 шолја ориз
- Зачини по желба
Подготовка: Белото месо исечете го на коцки. Ставете го да се динствува на малку масло околу 15 минути на тивок оган. Потоа додадете го зеленчукот за ѓувеч. Додека се динствува, измијте го оризот. Потоа додадете и него, кај месото и зеленчукот. Налејте вода ( 3 шолји), зачинете по вкус и ставете ја содржината во тава која претходно сте ја премачкале со масло. Печете на умерена температура од 180 степени, околу 30 минути. Ручекот е готов кога водата ќе испари, а одозгора ќе се фати румена кора.
