Потребно:
- 1 карфиол
- 2 средни главици кромид
- 300гр печурки
- 120гр растителен кашкавал
- 250гр посна павлака
- Лук во прав
- Оригано
Подготовка: Карфиолот исечете го на цветови и кусо бланширајте го во вода што врие и која сте ја посолиле. Исцедете го карфиолот и ставете го во огноотпорен сад. На тавче со малки масло пропржете го ситно исечканиот кромид, па додадете ги исчеканите печурки. Додадете го зеленчукот во садот кај карфиолот. Потоа додадете ја павлаката, па наросете од лукот во прав и ориганото, а по желба може да додадете и други зачини. Убаво измешајте ги сите состојки, па одозгора распоредете го растителниот кашкавал. Печете во рерна на 180 степени, околу половина час. Добар апетит!
