![9](https://pedijatar.mk/wp-content/uploads/2024/07/9-2-696x464.jpg)
Потребно:
- 4 модри патлиџани исечени на кругови со дебелина од 1 см
- 2 лажици маслиново масло
- 4 чешниња лук, ситно сечкани
- 1 лажичка суви мешани билки
- 800 гр сечкани домати
- 1 лажица црвен вински оцет
- 125 гр сирење
- 100 гр рендан кашкавал
Подготовка: Прво ставете го модриот патлиџан во цедалка, посипете со 1 лажичка сол и малку протресете. Ставете ја цедалката во мијалник и оставете ја 25 минути за модриот патлиџан да ја исцеди течноста. Загрејте го маслото во тава на тивок оган. Додадете го лукот и билките и пржете 2 минути. Додадете ги доматите и оцетот, измешајте да се соединат, а потоа засилете ја топлината. Динствувајте 30-40 минути додека сосот не се намали на половина. Исушете го модар патлиџан со хартиена крпа. Загрејте малку масло во посебна голема тава. Работејќи во серии, пржете ги парчињата модар патлиџан неколку минути од секоја страна. Пржениот модар патлиџан оставете го на страна. Загрејте ја рерната на 180°C. Кога сосот од домати ќе се намали, малку подмачкајте го садот за во рерна. Покријте го дното на садот со слој парчиња модар патлиџан и оставете малку да се преклопат. Прелијте со една третина од сосот од домати, потоа додадете една третина од сирењето и врз тоа уште една третина од ренданиот кашкавал. Повторете ги слоевите уште еден или два пати додека не ги потрошите намирниците. Печете 35-45 минути додека кашкавалот не порумени. Добар апетит!