Потребно:
- 6 тиквици
- 3 лажици ориз
- 250гр мелено месо
- 4 лажици масло
- 4 лажици брашно
- Зачини по желба
Подготовка: Тиквиците се лупат и се длабат. Оризот, месото и зачините се мешаат и со нив се полнат тиквичките. Загрејте го маслото, додадете го брашното и оставете да се пржи околу една минута да пожолти. Се налева околу еден литар студена вода и се меша додека не проврие. Потоа во тенџерето се додаваат наполнетите тиквици, и се остава да се вари на тивок оган околу 50 минути.
