Потребно:
- 600 гр лиснато тесто
- 200 гр крем сирење
- 15 гр лук
- 80 гр фета сирење
- 100 гр сирење
- 15 гр магдонос
- 1 јајце
- 100 гр пармезан сирење
За сосот:
- 1 јајце
- 10 мл оцет
- 10 мл чили сос
- 10 мл кечап
- 1/2 лажичка мелен црн пипер
- 150 мл масло
Подготовка: Лиснатото тесто развлечете го со сукало на хартија за печење. Измешајте ги крем сирењето и меленото лукче, па премачкајте го тестото со смесата. Издробете ја фетата, па посипете ја врз смесата со лук. Сирењето изрендајте го и посипете го одозгора. Исечкајте го магдоносот, посипете го врз фета сирењето, а потоа завиткајте го полнетото тесто. Исечете ги краевите, а остатокот исечете го на ролнички. Наредете ги во плех обложен со хартија за печење. Ролничките премачкајте ги со изматено јајце, посипете ги со пармезан во дебел слој и печете на 180°C околу 25 минути. Во меѓувреме, во помал сад измешајте ги јајцето, оцетот, чили сосот, кечапот, солта, биберот и маслото. Се мати со рачен стапче миксер и се сервира со ролничките. Добар апетит!
