Потребно:
- 3 резниња лубеница
- 1 лажица маслиново масло
- 200гр фета сирење
- Малку свеж босилок
- Неколку листови нане
- Сок од половина лимон
- Малку сол
Подготовка: За почеток, убаво исчистете ја лубеницата од кората и исечете ја на ситни коцки. Потоа во садот за салата измешајте го маслото и додадете зачини по желба. Во смесата додадете ги коцките лубеница, иситнетото фета сирење, исечканиот босилок и нането. Се убаво измешајте, а одозгора прелијте го сокот од лимон. Салатата е повкусна кога е ладна, а најдобро е да ја подготвите еден час пред консумирање, па ставете ја во фрижидер да се олади. Добар апетит!
