Потребно:
- 3,5 кг зеленчук (пиперка, краставички, 1 чешне лук, зелка и морков)
- 400мл оцет
- 1,5л вода
- 100гр сол
- 150гр шеќер
- Бибер во зрно
- 1/2 кесичка винобран
Подготовка: Убаво измијте го зеленчукот, а потоа пиперките и краставичките исечкајте ги. Зелката и морковот изрендајте ги на покрупно. Лукот не го сечкајте. Наредете ги теглите во тава и ставете ги во рерна на неколку минути, на 100 степени. Во малку оладените тегли редете го зеленчукот според ваша желба. Може да правите комбинација која вам ви одговара и во секоја тегла не мора да ставате од сите состојки. Важно е да редите слоеви за салатата да биде што пошарена и разновидна. Во тенџере ставете го оцетот, водата, шеќерот,солта, винобранот и бибер по вкус. Течноста измешајте ја и оставете 10 минути сите состојки да се соединат. Земете црпалка и прелијте го зеленчукот во теглите. Најдобро е зимницата да се остави да отстои три недели, па потоа да уживате во нејзиниот вкус.
