РЕЦЕПТ НА ДЕНОТ: Солен ролат со мелено месо

Солените ролати се непресушен извор на инспирација. Може да се подготват со готови кори, а може да се филуваат со што сакате. Одлични се како предјадење, но и за вечера или појадок.

Потребно:

  • 500гр мелено месо по избор
  • 4 листа кора за пита
  • 200гр рендан кашкавал
  • 1 кромид
  • 2 лажици мајонез или павлака
  • 120мл вода
  • 1 јајце
  • Сол
  • Црн пипер
  • Свежи зачини по избор

Подготовка: Во меленото месо додадете го исечканиот кромид, зачините, сол, бибер и мајонезот или павлаката и водата. Убаво измешајте. Раширете ја првата кора и наросете половина од ренданиот кашкавал. Покријте со втора кора, па на неа премачкајте половина од смесата со месо. Потоа ставете ја третата кора – кашкавал, четврта кора – остатокот од месото. Свиткајте во ролат и ставете го во тавче обложено со хартија за печење. Премачкајте го ролатот со јајце и ставете го да се пече на 180 степени, околу половина час. Кога ќе го извадите од рерна може повторно да наросите кашкавал и зачини по желба. Добар апетит!