Потребно:
- 2 слатки компири (може да се користат и обични компири)
- 1 голема шолја спанаќ (може да користите и блитва)
- 1 јајце
За полнење:
- Кисела павлака
- Варени јајца
- Кисели краставички
Подготовка: Излупете го слаткиот компир и додадете го во блендер заедно со спанаќот и едно јајце. По желба додадете една лажица маслиново масло. Од зачините додадете сол, лук во прав, и зачински билки по желба. Добиената смеса истурете ја тавче за печење обложено со хартија за печење. Печете додека кората не се стегне. Оставете целосно да се излади. Направете фил од киселата павлака, ситно сечкани варени јајца и ситно сечкана краставица. Исфилувајте ја кората и внимателно завиткајте ја во ролат за да не се распадне бидејќи во неа нема брашно и е мека. Добар апетит!
