Потребно:
- 1кг компир
- 2 лажици сончогледово масло
- 2 лажици лебни трошки
- 1 лажичка мелена црвена пиперка
- 1 лажичка сушена мајчина душица
- ½ лажичка мешавина од бибер
- ½ лажичка чили
Подготовка: Излупете ги компирите, измијте ги и исуштете ги со кујнски бришач. Потоа исечете ги надолжно, на осмини. Ставете ги во сад, па додадете го маслото и убаво измешајте ги. Во пластична кеса ставете ги лебните трошки и зачините, ставете ги компирите, па протресете за рамномерно да се обложат со состојките. Потоа, во тавчето за печење ставете хартија за печење, наредете ги компирите и печете ги 35-40 минути на 200 степени, додека не станат златно-кафеави и крцкави. Добар апетит!
